Gyda 562 miliwn o ddefnyddwyr mewn mwy na 200 o wledydd - y rhwydwaith cymdeithasol proffesiynol hwn yw'r lle i ddod o hyd i swyddi a chael eich darganfod.

Mae nodweddion allweddol yn cynnwys:

• Proffil ar-lein cyfoethog ar y cyfryngau (CV)
  
• Chwilio am swyddi ac ymwybyddiaeth o gyfleoedd
  
• Adeiladu ac ymgysylltu â'ch rhwydwaith proffesiynol.
  

Gyda llawer o gyflogwyr yn edrych ar LinkedIn i ddod o hyd i gyflogeion neu wirio proffiliau fel rhan o'r broses recriwtio, os nad oes gennych broffil LinkedIn - cewch un!

Cael URL personol - sicrhewch fod cyswllt eich proffil yn hawdd dod o hyd iddo ac yn eich cynrychioli.

e.e. “linkedin.com/in/joe-bloggs/” rather than “linkedin.com/in/HRbt7523lugwgn764”

Rhowch wybod i gyflogwyr eich bod yn agored i gyfleoedd - trowch eich diddordebau gyrfa YMLAEN.

Byddwch yn benodol - sefydlwch rybuddion chwilio am swyddi, nodwch y rolau swydd a'r sector y mae gennych ddiddordeb ynddynt a bydd LinkedIn yn cyflwyno swyddi perthnasol i chi yn rheolaidd.

Mae mwy yn edrych ar broffil os oes llun proffesiynol. Defnyddiwch ansawdd da (wedi'i oleuo'n dda, heb fod yn aneglur) yn wynebu tuag ymlaen ac yn gwenu, llun pen ac ysgwyddau, gyda chefndir plaen ar gyfer y canlyniadau gorau.

Gall lluniau cefndir ddangos rhywbeth amdanoch chi, eich swydd, sefydliad neu sgiliau a chyflawniadau allweddol.

Rhoi gwybod i bobl – beth rydych chi'n ei wneud / astudio, eich angerdd, arddangos gwobrau, cymwysterau, sgiliau allweddol neu brofiadau perthnasol a gyrfaoedd / rolau o ddiddordeb. e.e.

Unigolyn Proffesiynol AD (CIPD) | Angerddol am Ddysgu a Datblygu | Ceisio rôl arbenigol Datblygu Sefydliadol |

Myfyriwr Y Gyfraith Prifysgol De Cymru (LLB / LPC) | Llywydd Cymdeithas y Cyfreithwyr 2018 | Profiad gwaith Eversheds Sutherland | Diddordeb mewn Cyfraith Teulu |

Dywedwch eich stori, gan amlinellu eich sgiliau, profiadau a chyflawniadau mwyaf perthnasol:

• Defnyddiwch eiriau diwydiant a disgrifiad swydd.
  
• Dywedwch eich stori - ychwanegwch ychydig o bersonoliaeth (difyr ond proffesiynol).
  
• Ychwanegwch eich manylion cyswllt.
  
• Cysylltwch â chyfryngau arddangos cyfoethog - portffolios, gwefannau, blogiau, fideos, prosiectau a'ch CV.

Dylech gynnwys teitlau modiwlau, prosiectau, aseiniadau, prif brosiectau terfynol neu draethodau hir (a marciau) yn ogystal â'r sgiliau a ddefnyddiwyd, y wybodaeth a'r profiad a gafwyd.

Adrannau ychwanegol – gellir eu defnyddio i amlygu hyfforddiant, cyrsiau, gwobrau, ardystiadau, gwaith prosiect, cyhoeddiadau ac ati.

Cynhwyswch yr holl brofiad yn yr adran hon. Amlinellwch y rolau, defnyddiwch bwyntiau bwled i esbonio'r dyletswyddau a'r cyfrifoldebau allweddol, gan gynnwys y sgiliau a ddefnyddir. Defnyddiwch ferfau gweithredu e.e.

‘Wedi cwblhau'r holl waith prosiect o fewn y gyllideb a'r amserlen’.

‘Wedi cyflwyno adroddiad cryno ar oblygiadau allweddol y ddeddfwriaeth newydd’.

Sgiliau - ychwanegwch eich sgiliau, gan ganolbwyntio yn gyntaf ar y sgiliau sydd eu hangen ar gyfer y swyddi / diwydiant sydd o ddiddordeb i chi. Defnyddiwch y sgiliau hunangyflyru, gan fod y rhain yn seiliedig ar y sgiliau y mae recriwtwyr yn chwilio amdanynt yn fwyaf cyffredin.

Cymeradwyaethau - gofynnwch i'ch cysylltiadau eich cefnogi chi am sgiliau maent wedi gweld tystiolaeth ohonynt a chymeradwywch eraill hefyd - yn aml byddant yn dychwelyd y ffafr!

Argymhellion - wedi cael adborth gwych? Gofynnwch iddynt ei roi ar eich proffil LinkedIn fel argymhelliad, fel ei fod yno i bawb ei weld.

Dilyn Pobl - dylanwadwyr, cyflogwyr perthnasol, sefydliadau a phobl broffesiynol sy'n gweithio yn y diwydiant yr ydych am weithio i gael cipolwg ar swyddi, cael gwybod am gyfleoedd a beth mae pobl yn eich Diwydiant yn siarad amdano.

Cyrraedd pobl - cysylltu, ymuno â grwpiau a thyfu eich rhwydwaith. Cysylltwch ag Alumni, cyd-fyfyrwyr, academyddion, cyflogwyr a gweithwyr proffesiynol rydych chi'n eu cyfarfod yn ogystal â ffrindiau a theulu.

Byddwch yn broffesiynol - anfonwch neges bersonol wrth gysylltu i roi rhywfaint o gyd-destun i'ch cais. e.e.

“Helô Simon, diolch i chi am y ddarlith gwadd y gwnaethoch ei chyflwyno ar gyfer ein cwrs hysbysebu neithiwr. Roedd y syniadau a rannwyd gennych yn ddiddorol iawn ac fe wnes i fwynhau sgwrsio â chi amdanynt wedyn. Tybed a allem ni gysylltu?”

“Rwy'n gweld eich bod wedi graddio o Brifysgol De Cymru. Rwy'n astudio Peirianneg ac yn archwilio cyfleoedd gwaith posibl. Tybed a fyddech chi'n meddwl am ddod yn rhan o'm rhwydwaith proffesiynol?"

Ymgysylltwch â'ch rhwydwaith - hoffwch / gwnewch sylw / rhannwch / cyhoeddwch (trwy LinkedIn Pulse) wybodaeth sy'n dangos eich angerdd, eich sgiliau, eich profiadau, eich gwybodaeth a'ch arbenigedd.

Efallai eich bod wedi darllen erthygl ddiddorol, neu wedi dod o hyd i adnodd gwefan gwych i'w rannu a fyddai o ddiddordeb i'ch rhwydwaith.

Efallai y byddwch am ddweud wrth bobl am rywbeth cyffrous rydych chi wedi'i wneud, neu am ei wneud, neu efallai estyn allan i ofyn am adborth neu gyngor. .

Defnyddiwch hashnodau - i chwilio am gynnwys ac i helpu eraill i ddod o hyd i'ch postiadau.