Pam y gwnaethoch chi ddewis y sefydliad hwn i wneud eich lleoliad a sut y gwnaethoch chi ddod o hyd i'r cyfle?
Dewisais Heddlu De Cymru gan mai dyma lle y byddwn i'n hoffi dechrau fy ngyrfa ar ôl i mi gymhwyso. Yr wyf wedi cael y cyfle i weithio mewn gwahanol adrannau sydd wedi fy ngalluogi i weld y gwahanol agweddau ar blismona.
Beth oedd fwyaf gwerthfawr i chi am y gwaith a gyflawnwyd gennych?
Roeddwn i'n gallu gweithio fel rhan o'r heddlu ac roeddwn i'n cymryd rhan mewn gwahanol weithrediadau. Fe wnaeth yr heddlu agor llawer o gyfleoedd i ni weithio gyda trwyddedu, pobl ar goll a phlismona cymdogaeth ac ati. Cawsom ein trin fel rhan o'r tîm.
Pa sgiliau a gwybodaeth newydd y gwnaethoch chi eu hennill?
Rwyf wedi gallu atgyfnerthu sgiliau amrywiol fel cyfathrebu, empathi, menter, gwaith tîm a datrys problemau. Mae gen i ddealltwriaeth well erbyn hyn o sut mae gweithrediadau'r heddlu'n gweithio a sut maen nhw'n gweithio fel tîm amlasiantaeth.
O'r chwith i'r dde:
Sut bydd y lleoliad hwn yn helpu gyda'ch gyrfa?
Mae hyn wedi fy ngalluogi i gael fy adnabod o fewn Heddlu De Cymru ac rwyf wedi cael cydnabyddiaeth am wirfoddoli ar achos penodol. Mae wedi cadarnhau fy mod yn bendant eisiau gweithio yn y maes hwn a bod adrannau penodol sydd o ddiddordeb mwyaf i mi.
Rhowch sylwadau ar y cymorth a gawsoch gan y brifysgol a/neu eich sefydliad lleoliad?
Mae'r gefnogaeth a gafwyd gan PDC a'r heddlu wedi bod yn wych. Cefais gefnogaeth gan PDC yr holl ffordd wrth ddechrau fy lleoliad. Roedd y Tîm Lleoliad yn deall mai gweithio i'r heddlu oedd fy newis cyntaf ac na fyddai'n caniatáu i mi setlo am ddim llai. Bydd cael y profiad o'm lleoliad o fudd i mi yn fy ngyrfa yn y dyfodol.